Монгол Улсын Их Хурал, Засгийн газрын гишүүн, Батлан хамгаалахын сайд Д.Батлут Зэвсэгт хүчний 167 дугаар ангид ажиллаж, ангийн удирдлага, бие бүрэлдэхүүнтэй уулзаж, санал бодлыг нь сонсохын зэрэгцээ ангийн үйл ажиллагаа, сургалт бэлтгэл, бие бүрэлдэхүүний ажиллаж амьдрах орчин нөхцөлтэй танилцаж, цаашид хэрэгжүүлэх үйл ажиллагаа, зорилго чиглэлийн талаар тодрууллаа.
Мөн энэ үеэр сайд Зэвсэгт хүчний бэлэн байдал, сахилга хариуцлага, мэргэжлийн ур чадварыг дээшлүүлэх, цэргийн алба хаах орчин нөхцөлийг сайжруулах талаар баримталж байгаа бодлого, хийж хэрэгжүүлж байгаа үйл ажиллагааны талаар мэдээлэл өгч, тус ангийн хувьд цаашид анхаарч ажиллах асуудлыг ч онцлов.
Уулзалтын төгсгөлд Батлан хамгаалахын сайд Д.Батлут эрхэлсэн ажилдаа амжилт гаргаж, өргөсөн тангарагтаа үнэнчээр зүтгэж, үүрэгт ажлаа нэр төртэй биелүүлж буй зарим ажилтан, алба хаагчдыг шагнаж урамшуулсан юм.
