Долоо хоног бүрийн пүрэв гарагт зохион байгуулдаг “Иргэдтэй уулзах өдөр”-ийн хүрээнд аймгийн Засаг дарга С.Мөнхчулуун өнөөдөр иргэдийг хүлээн авч уулзан, санал хүсэлтийг нь сонслоо.

Уулзалтаар иргэд боловсрол, сургалт, эрүүл мэнд, өмчийн харилцаа, орчны тохижилт, хог хаягдлын менежмент, газар зохион байгуулалт болон түүх, соёлын өвийг сурталчлан таниулах чиглэлээр санал хүсэлтээ илэрхийлэв.

Аймгийн Засаг дарга иргэдийн санал, хүсэлтийг холбогдох байгууллага, албан тушаалтнуудад уламжилж, хууль, журмын хүрээнд шийдвэрлэх боломжтой асуудлуудыг судлан, шаардлагатай арга хэмжээ авч ажиллахаа илэрхийлсэн юм.