Гаалийн ерөнхий газрын дарга П.Дэлгэрнаран 2026 оны 10 дугаар сарын 22-ны өдөр БНХАУ-аас Монгол Улсад суугаа Элчин сайдын яамны хэргийг түр хамаарагч ноён Цао Ли болон бусад албаны төлөөллийг хүлээн авч уулзлаа.
▪️Уулзалтын үеэр БНХАУ-ын Засгийн газраас Монгол Улсын гаалийн байгууллагад үзүүлж буй 600 сая юаны буцалтгүй тусламжийн хилийн боомтын хяналт шалгалтын тоног төхөөрөмжийн хэрэгжилтийн асуудлаар санал солилцлоо.
▪️Талууд уг хяналт шалгалтын тоног төхөөрөмжүүд нь хилийн боомтууд дахь гаалийн хяналт, шалгалтын үйл ажиллагааг сайжруулахад чухал дэмжлэг болно гэж үзэж буй юм.
▪️Мөн Монгол, Хятад хоёр орны Засгийн газар хоорондын гаалийн асуудлаар хамтран ажиллах, харилцан туслалцаа үзүүлэх хэлэлцээрийн хүрээнд хоёр орны гаалийн байгууллагын хамтын ажиллагаа өргөжин тэлж буйг онцоллоо.
Тодруулбал, БНХАУ-ын талаас 2026 онд зохион байгуулсан 19 сургалт, арга хэмжээнд Монгол Улсын гаалийн байгууллагын нийт 47 албан хаагч, чадавхыг бэхжүүлэх 10 сургалт, семинарт нийт 27 албан хаагч хамрагджээ. Мөн хоёр улсын зөрчилтэй тэмцэх хамтын ажиллагааны хүрээнд 2023 оноос хойш нийт 2000 гаруй зөрчлийг илрүүлэн ажилласан байна.
▪️Талууд цаашид албан хаагчдын чадавхыг бэхжүүлэх, хяналт шалгалт, зөрчлийн чиглэлээр харилцан мэдээлэл солилцох, хамтын ажиллагаагаа улам хөгжүүлэхээр тохиролцлоо.
