Нийслэлийн Бизнес, инновацын газар нь Бүгд Найрамдах Солонгос Улсын Жижиг, дунд үйлдвэр, стартапын яам (MSS), Стартап, энтрепренер хөгжлийн хүрээлэн (KISED)-тэй хамтран зохион байгуулж буй “COMEUP 2026 – Global Startup Festival” олон улсын арга хэмжээнд Монгол Улсаас оролцох гарааны компаниудын сонгон шалгаруулалтын II шат 2026 оны 10 дугаар сарын 26-ны өдөр амжилттай зохион байгуулагдаж, шилдэг 6 төслийг шалгарууллаа.
📋 I ШАТ – ТӨСЛИЙН МАТЕРИАЛЫН ШАЛГАРУУЛАЛТ
Сонгон шалгаруулалтын I шатанд нийт 26 төслийн материал ирүүлснээс мэдээллийн технологи, программ хангамжийн чиглэлээр үйл ажиллагаа явуулдаг эсэх, бүтээгдэхүүн, үйлчилгээний өрсөлдөх чадвар, өсөлтийн боломж болон БНСУ-ын түнш байгууллагуудтай технологи, бизнесийн чиглэлээр хамтран ажиллах боломжийг харгалзан үнэлж, 14 төслийг II шатанд шалгаруулсан.
📊 II ШАТ – ТӨСЛИЙН ТАНИЛЦУУЛГА, ҮНЭЛГЭЭ
2026 оны 10 дугаар сарын 26-ны өдөр зохион байгуулагдсан II шатны сонгон шалгаруулалтад оролцсон гарааны компаниуд инновацлаг бүтээгдэхүүн, үйлчилгээ, технологийн шийдэл, бизнесийн загвараа мэргэжлийн шүүгчдийн бүрэлдэхүүнд танилцуулсан.
Шүүгчид төслүүдийг бизнес загвар, инновацлаг байдал, хэрэгжих боломж болон ерөнхий шаардлагын нийцэл гэсэн дөрвөн үндсэн шалгуураар үнэлсэн. Ерөнхий шаардлагын хүрээнд сүүлийн 7 жилийн хугацаанд байгуулагдсан эсэх, мэдээллийн технологийн чиглэлээр үйл ажиллагаа явуулдаг байдал, бүтээгдэхүүн, үйлчилгээний өрсөлдөх чадвар, олон улсын зах зээлд нэвтрэх болон БНСУ-ын түншүүдтэй хамтран ажиллах боломжийг харгалзан үзсэн.
Үнэлгээний дүнгээр хамгийн өндөр оноо авсан 6 төслийг эцсийн шатанд шалгарууллаа.
🏆 II ШАТНААС ШАЛГАРСАН ШИЛДЭГ 6 ТӨСӨЛ
�1. “Лингорс Эдтек” ХХК – “Lingors” төсөл� �2. “Хонмоно” ХХК – “Honmono AI” төсөл� �3. “Оюу интеллиженс” ХХК – “LookLuxe AI” төсөл� �4. “Хорека Юнион” ХХК – “HoReCaSoft” төсөл� �5. “Гарааны Хос Хас Технологи” ХХК – “IT & IoT & AI” төсөл� �6. “Рүүкий Системс” ХХК – “Smart Shelf AI” төсөл�
🌏 III ШАТ – ЭЦСИЙН СОНГОН ШАЛГАРУУЛАЛТ
II шатнаас шалгарсан 6 төслийг БНСУ-ын Жижиг, дунд үйлдвэр, стартапын яам (MSS), Стартап, энтрепренер хөгжлийн хүрээлэн (KISED)-ийн ажлын хэсэг 2026 оны 11 дүгээр сарын 3-ны өдрийн дотор эцэслэн үнэлж, шилдэг 3 гарааны компанийг сонгон шалгаруулна.
Эцсийн шатанд шалгарсан компаниуд 2026 оны 12 дугаар сарын 9–11-ний өдрүүдэд БНСУ-ын Сөүл хотын COEX үзэсгэлэнгийн төвд зохион байгуулагдах “COMEUP 2026 – Global Startup Festival” олон улсын арга хэмжээнд оролцох эрх авах бөгөөд хоёр талын нислэгийн тийз болон зочид буудлын зардлыг зохион байгуулагч талаас бүрэн санхүүжүүлнэ.
✨ Энэхүү арга хэмжээ нь Монголын гарааны компаниудад инновацлаг бүтээгдэхүүн, үйлчилгээгээ олон улсын зах зээлд танилцуулах, хөрөнгө оруулагчидтай холбоо тогтоох, бизнесийн шинэ түншлэл хөгжүүлэх боломжийг бүрдүүлж байна.
🇲🇳 Шалгарсан 6 гарааны компанийн хамт олонд баяр хүргэж, эцсийн шатны сонгон шалгаруулалтад амжилт хүсье!
