Улсын бүртгэлийн хэлтсийн албан хаагчдын хууль, эрх зүйн мэдлэгийг дээшлүүлэх, хууль тогтоомжийг зөв ойлгож, өдөр тутмын үйл ажиллагаандаа зөв хэрэглэх практик чадварыг бэхжүүлэх зорилгоор ээлжит модуль сургалтыг 2026 оны 10 дугаар сарын 23-ны өдөр зохион байгууллаа.
⚖️ Энэ удаагийн сургалтаар Гэр бүлийн тухай хуулийн үзэл баримтлал, зарчим, зохицуулах харилцаа, практик хэрэгцээ, ач холбогдол, хууль зүйн үр дагавар, хэрэгжилтийн талаар танилцуулж, улсын бүртгэлийн үйл ажиллагаанд хэрэглэх онцлог, анхаарах асуудлыг хэлэлцэв.
🔎 Мөн тус хуультай холбогдуулан Улсын бүртгэлийн ерөнхий хууль, Иргэний улсын бүртгэлийн тухай хууль, Эд хөрөнгийн эрхийн улсын бүртгэлийн тухай хуульд орсон нэмэлт, өөрчлөлт болон шинээр мөрдөгдөх зохицуулалтыг танилцуулж, хууль хэрэглээний практик асуудлаар санал солилцлоо.
📌 Монгол Улсын Их Хурлаас 2026 оны 07 дугаар сарын 03-ны өдөр батлагдсан Гэр бүлийн тухай хууль /Шинэчилсэн найруулга/ нь гэр бүлийн харилцааны эрх зүйн зохицуулалтыг боловсронгуй болгох, гэр бүлийн гишүүдийн эрх, үүргийг тодорхой болгох, хүүхдийн эрх, дээд ашиг сонирхлыг хамгаалах, гэр бүлийн боловсролыг дэмжихэд чиглэсэн бөгөөд 2027 оны 01 дүгээр сарын 01-ний өдрөөс эхлэн дагаж мөрдөнө.
🎯 Сургалтад хэлтсийн төвийн албан хаагчид танхимаар, сумдын улсын бүртгэгч нар цахимаар хамрагдлаа.
ЗӨВ ХУУЛЬ ХЭРЭГЛЭЭ – ЧАНАРТАЙ БҮРТГЭЛ – ИРГЭНД ЭЭЛТЭЙ ҮЙЛЧИЛГЭЭ.
