📌 “Дэлхийн хуримтлалын өдөр–2026” аяны хүрээнд Өвөрхангай аймгийн ГХУСАЗСЗ-өөс ирсэн удирдамжийн дагуу Хархорин суманд иргэдийн санхүүгийн мэдлэг, боловсролыг дээшлүүлэх, хуримтлалын ач холбогдлыг таниулах, хуримтлалын зөв дадлыг төлөвшүүлэх, цахим залилангийн гэмт хэргээс урьдчилан сэргийлэх зорилгоор “Цахимд нягтал – Залиланд бүү хуурт” сэдэвт сургалтыг зохион байгууллаа.

📌 Сургалтад ахмад настан болон хөгжлийн бэрхшээлтэй 50 гаруй иргэн, ерөнхий боловсролын 3 сургуулийн 60 гаруй сурагч, Онцгой байдлын хэлтэс болон “Эрдэнэт-Булганы цахилгаан түгээх сүлжээ” ТӨХК-ийн Хархорин салбарын 60 ажилтан зэрэг нийт 170 гаруй иргэн хамрагдлаа.

📌 Мөн “Өсвөрийн энтрепренер”, “Өсвөрийн санхүүч” клубүүдийн сурагчдын санхүүгийн сахилга бат, аюулгүй байдал, хуримтлалын дадлыг төлөвшүүлэх зорилгоор “Хуримтлалтай клуб” уралдааныг зохион байгуулж байна. Уралдааны хүрээнд клубүүдийн үйл ажиллагааг идэвхжүүлэх, сурагчдын санхүүгийн аюулгүй байдал, хуримтлал үүсгэх оролцоог нэмэгдүүлэх, үр дүнг тодорхой шалгуур үзүүлэлтээр үнэлж, шилдэг оролцогчдыг урамшуулахаар төлөвлөжээ.

📌 Тус сургалт, арга хэмжээг Хархорин сумын Гэмт хэргээс урьдчилан сэргийлэх ажлыг зохицуулах салбар зөвлөл, ХААН Банк, ХасБанк, Төрийн банкны салбарууд, Насан туршийн суралцахуйн нэгж болон Өсвөрийн клубууд хамтран зохион байгуулж байна.