Онцгой байдлын ерөнхий газраас албаны бэлтгэл, бэлэн байдлыг дээшлүүлэх зорилгоор олгосон бага оврын универсал ачигчийн ашиглалтын бэлэн байдлыг хангах, алба хаагчдын техник хэрэгсэлтэй ажиллах мэдлэг, ур чадварыг нэмэгдүүлэх зорилгоор Өвөрхангай аймаг дахь Политехник коллежтой хамтран практик сургалт зохион байгууллаа.
Сургалтын хүрээнд алба хаагчид бага оврын универсал ачигчийн ашиглалт, ажиллуулах арга барилтай танилцаж, техник хэрэгслийг зориулалтын дагуу зөв, аюулгүй ашиглах практик дадлага хийв.
Энэхүү сургалт нь гамшиг, аюулт үзэгдэл, ослын үед аврах ажиллагаа явуулах, гамшгийн хор уршгийг арилгах, зам талбайг чөлөөлөх болон бусад шаардлагатай ажиллагаанд тусгай зориулалтын техник хэрэгслийг шуурхай, үр дүнтэй ашиглах чадавхыг бэхжүүлэхэд чухал ач холбогдолтой юм.
Техникийн ашиглалтын бэлэн байдлыг хангах, алба хаагчдын мэргэжлийн ур чадварыг дээшлүүлэх чиглэлээр хамтран ажилласан Өвөрхангай аймаг дахь Политехник коллежийн хамт олонд талархал илэрхийлье.
Техникийн бэлэн байдал — шуурхай ажиллагааны үндэс, мэргэжлийн ур чадвар — аврах ажиллагааны амжилтын баталгаа юм.
