**Огноо:** 2026 оны 10 дугаар сарын 26-ны өдөр

Увс аймгийн Улсын бүртгэлийн хэлтсийн нийт албан хаагчдад хүүхдийн эсрэг хүчирхийлэл, дарамт, үл хайхрах байдлаас урьдчилан сэргийлэх, эрсдэлт нөхцөл байдлыг таньж илрүүлэх, мэдээлэх, холбон зуучлах талаарх мэдлэг, ойлголтыг нэмэгдүүлэх зорилгоор сургалт зохион байгууллаа.

Сургалтыг Увс аймгийн Хүүхэд, гэр бүлийн хөгжил, хамгааллын газрын **Хүүхэд, гэр бүлийн нийгмийн ажилтан С.Түвшинжаргал** удирдан явуулж, хүүхдийн эсрэг хүчирхийлэл, дарамт, үл хайхрах байдалд өртсөн байж болзошгүй тохиолдлыг таньж илрүүлэх, эрсдэлт нөхцөл байдлыг тодорхойлох, холбогдох мэргэжлийн байгууллагад цаг алдалгүй мэдээлэх, шаардлагатай тохиолдолд холбон зуучлах арга хэмжээний талаар мэдээлэл, арга зүйн зөвлөмж өглөө.

Сургалтын хүрээнд хүүхдийн эсрэг хүчирхийлэл, дарамт, үл хайхрах байдлын хэлбэрүүд, тэдгээрийн илрэх шинж тэмдэг, хүүхдийн зан төлөв, сэтгэл зүйд гарч болох өөрчлөлтүүдийг анзаарах, эрсдэлд өртсөн байж болзошгүй хүүхэдтэй зөв харилцах, тэдний эрх, аюулгүй байдал, хувийн мэдээллийн нууцлалыг хамгаалах талаар дэлгэрэнгүй мэдээлэл өгсөн юм.

Мөн хүүхдийн эрх зөрчигдсөн байж болзошгүй нөхцөл байдал илэрсэн тохиолдолд албан хаагчдын зүгээс авах шаардлагатай арга хэмжээ, холбогдох байгууллагад мэдээлэл хүргүүлэх, хүүхэд хамгааллын үйлчилгээ үзүүлдэг мэргэжлийн байгууллагуудтай хамтран ажиллах, шаардлагатай тусламж, үйлчилгээнд холбон зуучлах үйл ажиллагааны талаар ойлголт өглөө.

Энэхүү сургалт нь албан хаагчдын хүүхэд хамгааллын талаарх мэдлэг, ойлголтыг нэмэгдүүлэх, хүүхдийн эрхийн зөрчлөөс урьдчилан сэргийлэх, эрсдэлт нөхцөл байдлыг эрт илрүүлж, шуурхай мэдээлэх, хүүхдийн эрх, аюулгүй байдлыг хангахад байгууллага, албан хаагчдын оролцоо, хариуцлагыг дээшлүүлэхэд чиглэгдлээ.Увс аймгийн Хүүхэд, Гэр бүлийн хөгжил, хамгааллын газрын Хүүхэд, гэр бүлийн нийгмийн ажилтан С.Түвшинжаргал хүүхдийн эсрэг хүчирхийлэл, дарамт, үл хайхрах байдалд өртсөн байж болзошгүй тохиолдлыг таньж илрүүлэх, эрсдэлт нөхцөл байдлыг тодорхойлох, холбогдох мэргэжлийн байгууллагад цаг алдалгүй мэдээлэх, шаардлагатай тохиолдолд холбон зуучлах арга хэмжээний талаар сургалт орж, албан хаагчдад мэдээлэл, арга зүйн зөвлөмж өглөө.