Зорилго

Монгол Улсын Гаалийн ерөнхий газар нь гаалийн үйлчилгээний төлбөр тооцоог иргэн, аж ахуйн нэгжид хурдан, найдвартай, цахим хэлбэрээр хүргэх зорилгоор цахим төлбөр тооцоо (гар утас, апп, интернет ашигласан)-ны үйлчилгээ үзүүлэгчтэй хамтран ажиллах хүсэлтэй байна. Энэхүү урилгад Монгол Улсад үйл ажиллагаа явуулдаг, шаардлага хангасан бүх төлбөр тооцооны үйлчилгээ үзүүлэгч, финтек компаниуд оролцох боломжтой.

Үйлчилгээний хүрээ

Сонгогдсон үйлчилгээ үзүүлэгч нь дор дурдсан үйлчилгээг хэрэгжүүлнэ.

• Гаалийн албан татвар, хураамж, торгууль болон бусад бүх төрлийн төлбөрийг цахимаар гүйцэтгэхэд интеграцийн үйлчилгээ үзүүлэх.

• Гаалийн ерөнхий газрын систем болон гаалийн үйлчилгээний цахим платформуудтай стандарт API-аар интеграци хийх.

• Төлбөрийн баталгаажилтыг бодит цагийн горимд Гаалийн ерөнхий газрын систем болон гаалийн үйлчилгээний цахим платформуудад дамжуулах.

• Гүйлгээний тулгалт, тайлан, лавлагааг тогтмол, найдвартай гаргах.

Техникийн шаардлага болон туршлага

• Төлбөр тооцооны үйлчилгээ үзүүлсэн 2 жилээс доошгүй туршлагатай байх ба цахим төлбөр хүлээн авах бэлэн шийдэлтэй байх.

• Төлбөр тооцооны тоо нэмэгдэхэд шаардлага хангах (өндөр ачааллын) дэд бүтэц, нууцлал аюулгүй байдал, архитектурын шийдэлтэй байх.

• Тасралтгүй ажиллагааны түвшин нь жилийн 99.9 %-иас доошгүй байх.

• Төрийн байгууллагын үйлчилгээний төлбөр тооцоонд интеграци хийж, ажиллуулсан туршлагатай болон бэлэн шийдэлтэй байх.

• Нууцлал аюулгүй байдал, нэвтрэлтийн хяналт, гүйлгээний бүртгэл (лог), үндсэн болон нөөц дата төвүүдийн шаардлага хангасан болон Бизнесийн тасралтгүй ажиллагааны төлөвлөгөөтэй байх.

• Монголбанкны төлбөрийн үйлчилгээний тусгай зөвшөөрөл.

• Хувийн мэдээллийн тухай хуульд нийцэх, мэдээлэл байршуулах нөхцөл.

• Тулгалт: өдөр тутмын автомат тулгалт, CSV/API формат

Төлбөрийн боломж ба шимтгэл

• Дэмжих суваг: банкны карт, банкны шилжүүлэг, QR, мобайл хэтэвч.

• Валют: MNT (шаардлагатай бол USD/EUR).

• Буцаан олголт, цуцлалт, маргаан шийдвэрлэх журам.

• Шимтгэлийн бүтэц: хэн төлөх, хэрхэн тооцох, далд зардалгүй байх.

Ирүүлэх материал

1. Оролцох хүсэлт, компанийн танилцуулга, улсын бүртгэлийн гэрчилгээ.

2. Туршлагын тодорхойлолт, хэрэгжүүлсэн төслүүд, лавлагаа.

3. Техникийн санал (архитектур, интеграцийн схем, API тодорхойлолт, ачааллын тооцоо).

4. Мэдээллийн аюулгүй байдлын бодлого, Бизнесийн тасралтгүй ажиллагааны төлөвлөгөө болон бусад компанийн үйл ажиллагаанд мөрдөж буй мэдээллийн технологийн бодлогын баримт бичгүүд.

5. Нэвтрүүлэх хугацааны төлөвлөгөө, дэмжлэгийн нөхцөл.

6. Санхүүгийн санал (шимтгэл, үйлчилгээний хөлс).

Санал ирүүлэх, холбоо барих

Санал хүлээн авах хаяг:

Нэр: Б.Энх-Амгалан

Албан тушаал: Гаалийн ерөнхий газарын дэргэдэх Тоног төхөөрөмж, Мэдээллийн технологийн газрын гаалийн улсын байцаагч

Утас: 11-353558

И-мэйл: ict@customs.gov.mn

Санал хүлээн авах эцсийн хугацаа: 2026 оны 11 дүгээр сарын 04-ны өдрөөс өмнө ирүүлнэ үү.

Монгол Улсын Гаалийн ерөнхий газар