Улсын бүртгэлийн ерөнхий газрын даргын 2026 оны А/94 дүгээр тушаалаар батлагдсан “Улсын бүртгэлийн байгууллагын албан хаагчдыг чадавхжуулах хөтөлбөр”болон хэлтсийн 2026 оны гүйцэтгэлийн төлөвлөгөөний 1.3-д тусгагдаж батлагдсан арга хэмжээний хэрэгжилтийг хангах хүрээнд “Байгууллагын хөдөлмөрийн дотоод журмын өнөөгийн хэрэглээ, тулгамдаж буй асуудал, нэмэлт, өөрчлөлт оруулах санал боловсруулах” сургалт, хэлэлцүүлгийг 2026 оны 10 дугаар сарын 21-ний өдөр хэлтсийн нийт албан хаагчдыг хамруулан зохион байгууллаа.

📑 📌Тус арга хэмжээ нь албан хаагчдын хууль хэрэглээний мэдлэг, хууль зүйн дүгнэлт хийх ур чадварыг дээшлүүлэх, байгууллагын дотоод журмын хэрэгжилт, хэрэглээнд тулгамдаж буй асуудлыг тодорхойлох, журмыг боловсронгуй болгоход чиглэв.

📑🗂️Хэлэлцүүлгийн хүрээнд байгууллагын хөдөлмөрийн дотоод журмыг Хөдөлмөрийн тухай хууль, Төрийн албаны тухай хууль болон холбогдох эрх зүйн зохицуулалттай харьцуулан судалж, журмын зохицуулалтад хийдэл, давхардал, зөрчил байгаа эсэхийг хэлэлцэж, нэмэлт, өөрчлөлт оруулах саналуудыг дэвшүүлэн, санал хураалт явууллаа.

☘️ Сургалтыг байгууллагын дэргэдэх Үйлдвэрчний эвлэлийн хорооноос зохион байгуулж, чиглүүлэгчээр захиргааны ахлах мэргэжилтэн П.Бүжинлхам ажиллав.

📌 Цаашид гарсан саналуудыг нэгтгэн боловсруулж, холбогдох байгууллага, нэгжид уламжлан шийдвэрлүүлэхээр ажиллаж байна.

Төвийн албан хаагчид танхимаар, смудын албан хаагчид онлайнаар оролцов.