Монгол Улсын Засгийн газрын 2026 оны 07 дугаар сарын 01-ний өдрийн 280 дугаар тогтоолын дагуу Баян-Өлгий аймагт зохион байгуулагдсан Төрийн архивын үйл ажиллагааны улсын үзлэгийн үнэлгээний дүнг аймгийн удирдлагуудад танилцууллаа.
Улсын үзлэгийн ажлын хэсгээс хяналт, үнэлгээний үр дүн, илэрсэн зөрчил, дутагдал, цаашид анхаарах асуудал болон авч хэрэгжүүлэх арга хэмжээний талаар мэдээлэл өгч, аймгийн Засаг даргын орлогч К.Бахытжан тэргүүтэй удирдлагуудтай санал солилцов. Улсын үзлэгээр Баян-Өлгий аймгийн Төрийн архивын үйл ажиллагааг “ХАНГАЛТТАЙ” гэж үнэлсэн байна.
Улсын үзлэгийн ажлын хэсгийг Тагнуулын Ерөнхий газрын дэд дарга, хурандаа Б.Онон ахалж, бүрэлдэхүүнд Тагнуулын Ерөнхий газрын Тусгай архивын дарга, хурандаа Ж.Наранбаатар, Тусгай архивын архив, албан хэрэг хөтлөлтийн хяналтын улсын байцаагч Б.Энхбаяр, Архивын Ерөнхий газрын Үндэсний төв архивын Түүхийн баримтын архивын эрхлэгч Х.Гэрэлмаа нар ажиллалаа.
Улсын үзлэгийг Хууль зүй, дотоод хэргийн яамны Төрийн нарийн бичгийн даргын 2026 оны А/150 дугаар тушаалаар баталсан 6 үндсэн чиглэл, 68 үзүүлэлт, 271 шалгуур үзүүлэлтийн хүрээнд зохион байгуулсан юм.
