Өвөг дээдсийн түүхээ мэдэж, ураг удмаа таньж,тогтоож угийн бичгээ хөтлөх нь үндэсний өв соёлоо хадгалж, хойч үедээ өвлүүлэх сурталчлан алдаршуулах чухал уламжлал юм.

Сэлэнгэ аймгийн Соёл, урлаг, аялал жуулчлал, залуучуудын газар, Хүүхэд, гэр бүлийн хөгжил, хамгааллын газар хамтран 2026 оны 10 дугаар сарын 16-ны өдөр “Ураг удмаа мэдэж, угийн бичгээ хөтөлцгөөе” сэдэвт сургалтыг зохион байгуулж, төрийн болон соёл, урлагийн байгууллагын 50 албан хаагчийг хамрууллаа.

📚 Сургалтыг “Монголын ураг удам өв соёл” холбооны Удирдах зөвлөлийн дарга, үндэсний сургагч, зөвлөх багш Ч.Жадамбаа удирдан явуулж, дараах чиглэлээр мэдлэг, мэдээлэл олгов.

Үүнд:

✅ Монголчуудын угийн бичиг хөтөлж ирсэн түүхэн уламжлал, өв соёл;

✅ Угийн бичиг хөтлөхтэй холбоотой хууль, эрх зүйн орчин;

✅ Удмын сангийн аюулгүй байдал, цус ойртолтоос урьдчилан сэргийлэхийн ач холбогдол;

✅ Угийн бичиг хөтлөх аргачлал, практик хэрэглээ;

✅ Ураг удмын мэдээллийг цуглуулах, бүртгэх, хадгалах, хойч үедээ өвлүүлэн уламжлуулах арга зүй.

✍️ Сургалтын үеэр оролцогчид угийн бичиг хөтлөх дадлага ажил хийж, мэргэжлийн багшаас арга зүйн зөвлөгөө авсан нь сургалтын онцлог байлаа.