Аймгийн Засаг даргын Зөвлөлийн хуралдаанд өвөлжилт, хаваржилтын бэлтгэл ажил, ургац хураалт, мал, мах бэлтгэлийн явцын талаар аймгийн Хүнс, хөдөө аж ахуйн газрын дарга Г.Баттулга мэдээлэл хийлээ.

Хөвсгөл аймгийн хэмжээнд 2026-2027 оны өвөл 23 сум, нэг тосгоны 20,679 малчин өрхийн 5.5 сая орчим толгой мал өвөлжих урьдчилсан төлөвтэй байна. Үүнээс 1,132 малчин өрхийн 282.5 мянган толгой мал отроор өвөлжиж, хаваржихаар төлөвлөжээ. Аравдугаар сарын 20-ны өдрийн байдлаар малчдын

өвс, тэжээлийн бэлтгэл 66.4 хувьтай, өвөлжилт, хаваржилтын бэлтгэл ажил малчин өрхийн түвшинд 90.8 хувь, аймгийн хэмжээнд 83.7 хувийн биелэлттэй байна.

Мөн аймгийн хэмжээнд ургац хураалтын ажил 77.2 хувийн гүйцэтгэлтэй үргэлжилж, 14961 га талбайгаас 26925 тонн ургац хураан авчээ. “Нутагтаа эзэн-100:1000” төслийн хүрээнд Их-Уул сумын 21 малчин өрх 330 тонн ногоон тэжээл бэлтгэсэн байна