💙 “ХҮҮХДИЙН ТӨЛӨӨ ЗА БОЛ ЗААВАЛ ХИЙЕ” ХӨДӨЛГӨӨН
🛡️ ХҮҮХДЭЭ ХАМГААЛЪЯ — ХҮҮХДИЙН ЭРХ, АЮУЛГҮЙ БАЙДАЛ БИДНИЙ ХАМТЫН ХАРИУЦЛАГА!
Хүүхдийн эрхийг хамгаалах, аливаа гэмт хэрэг, эрсдэлээс урьдчилан сэргийлэх, эцэг эх, асран хамгаалагчийн үүрэг хариуцлагыг нэмэгдүүлэх зорилгоор “Хүүхдийн төлөө за гэвэл заавал хийе” хөдөлгөөний хүрээнд хүүхдэд тавих хараа хяналтыг сайжруулах, танихгүй хүнтэй харилцахдаа болгоомжтой байх, сэжигтэй нөхцөл байдал үүссэн үед тусламж хүсэх, аюулгүй байдлаа хамгаалах зөв дадлыг хүүхэд бүрд төлөвшүүлэхийг уриалж байна.
👨👩👧 Эцэг эх, асран хамгаалагч та бүхэн хүүхдээ ганцааранг нь явуулахгүй байх, хаана, хэнтэй байгааг нь мэдэж, тогтмол холбоотой байх, гэрийн хаяг, холбоо барих утас зэрэг шаардлагатай мэдээллийг зааж сургахын зэрэгцээ аюул тулгарсан үед цагдаа, холбогдох байгууллагаас тусламж хүсэхээс айхгүй байхыг ойлгуулж, өөрсдөө үлгэрлэн хамгаалаарай.
❗Хүүхдийн аюулгүй байдалд хүн бүрийн сонор сэрэмж, оролцоо чухал! Сэжигтэй үйлдэл, хүүхэд эрсдэлд орсон нөхцөл байдлыг анзаарвал үл тоомсорлолгүй, холбогдох байгууллагад шуурхай мэдэгдэж, хүүхдийг хамгаалах үйлсэд идэвхтэй оролцоорой.
💙 Хүүхдийн төлөө “ЗА” гэж хэлсэн бол хамгаалж, анхаарч, урьдчилан сэргийлэх бодит үйлдлээр баталгаажуулъя!
📞 Яаралтай тусламжийн утас: 102, 108
