Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөний хүрээнд Хавдар судлалын үндэсний төвийн хамт олон “Олон улсын эко цэцэрлэгт хүрээлэн”-д мод тарилаа.
Хавдар судлалын үндэсний төвийн хамт олон байгаль орчноо хамгаалах, ногоон байгууламжийг нэмэгдүүлэх, уур амьсгалын өөрчлөлтийг сааруулахад чиглэсэн “Тэрбум мод” үндэсний хөдөлгөөнийг дэмжин, мод тарих, байгаль орчныг хамгаалах үйл ажиллагаанд тогтмол идэвхтэй оролцож, өөрийн хувь нэмрээ оруулсаар ирсэн билээ.
Энэ удаагийн арга хэмжээ нь байгаль орчны тогтвортой байдлыг хангах, ногоон ирээдүйг бүтээх үйлсэд эрүүл мэндийн салбарын байгууллагуудын оролцоо, хувь нэмрийг нэмэгдүүлэхийн зэрэгцээ хамт олны нийгмийн хариуцлага, байгальд ээлтэй хандлагыг төлөвшүүлэх ач холбогдолтой юм.
