10 дугаар сарын 20. Өнөөдөр Монгол Улсын Төрийн дууллын өдөр.
Монгол Улсын тусгаар тогтнол, бүрэн эрхт байдлыг эрхэмлэн дээдлэх, иргэдийн эх оронч үзэл, үндэсний бахархлыг төлөвшүүлэх, ард түмний эв нэгдлийг бэхжүүлэх зорилготой юм.
Төрийн дуулал нь эх орон тусгаар тогтнол, ард түмний эв нэгдлийг илэрхийлдэг бидний үнэт зүйл билээ.
Шүлгийг Ц. Дамдинсүрэн, аяыг Б. Дамдинсүрэн, Л.Мөрдорж нар хамтран бүтээсэн бөгөөд энэ өдөр БТСУХ-ны нийт албан хаагчид Төрийн дууллыг эгшиглүүлэв.
Өнөөдрийн арга хэмжээний эхэнд БТСУХ-ны Төрийн захиргааны удирдлагын газрын дарга О.Баттулга хэлсэн үгэндээ Төрийн дууллын өдрийг тэмдэглэн өнгөрүүлэхийн ач холбогдлыг таниулж, Монгол хэл, үндэсний өв соёл, уламжлалаа үр хүүхэд, хойч үедээ өвлүүлэхийг уриалав.
