Өсвөр үеийнхний бэлгийн болон нөхөн үржихүйн эрүүл мэндийн талаарх мэдлэг, ойлголтыг нэмэгдүүлэх, эрүүл зөв хандлага төлөвшүүлэх, үе тэнгийнхэндээ зөв мэдээлэл түгээх чадварыг хөгжүүлэх зорилгоор бэлгийн цогц боловсролын чиглэлээр “Үе тэнгийн зөвлөгч” бэлтгэх сургалтыг Баянзүрх дүүргийн Эрүүл мэндийн төв, Боловсролын хэлтэс, Хүүхэд гэр бүлийн хөгжил, хамгааллын хэлтэс, Хүүхдийн зөвлөл хамтран зохион байгууллаа.

Сургалтад Баянзүрх дүүргийн Хүүхдийн зөвлөлийн 40 гишүүн хамрагдаж, "БАТЛАМЖ"-аа гардан авав.

Сургалтыг Анагаах ухааны доктор, профессор, Эх барих, эмэгтэйчүүдийн зөвлөх эмч, Монгол Улсын гавьяат эмч Ж.Энхцэцэг удирдан явуулж, өсвөр үеийнхэнд бэлгийн цогц боловсрол, нөхөн үржихүйн эрүүл мэндийн чиглэлээр мэргэжлийн мэдлэг, мэдээлэл өгч, үе тэнгийн зөвлөгчийн ур чадварыг хөгжүүлэхэд дэмжлэг үзүүллээ.