Онцгой байдлын ерөнхий газрын даргын А/01 дүгээр тушаал, Говийн бүсийн захирагчийн А/09 дүгээр тушаалын дагуу Говьсүмбэр, Дорноговь, Дундговь, Өмнөговь аймгийн Онцгой байдлын газрын Дуудлага хүлээн авагч, жолооч-холбоочдын нэгдсэн сургалт, дадлага зохион байгуулагдлаа.Сургалтыг нээж Говийн бүс - Өмнөговь аймгийн Онцгой байдлын газрын дарга, хурандаа М.Адъяабаатар сургалтад оролцогчдод амжилт хүсэж:

"Гамшиг ослын голомтоос харилцаа холбооны бүх төрлийн техник хэрэгслийг чадварлаг ашиглан холбоо зохион байгуулж, мэдээ мэдээллийг шуурхай хүлээн авч, удирдах албан тушаалтны шийдвэр гаргахад үнэн зөв мэдээллээр ханган ажиллах гол үүрэгтэй алба хаагчид бол манай байгууллагын нүүр царай болсон дуудлага хүлээн авагчид юм" хэмээн онцлон тэмдэглэлээ.

Шуурхай ажиллагаа, холбоо мэдээллийн бэлэн байдлыг дээшлүүлэх, алба хаагчдын ур чадварыг чадавхижуулах зорилготой уг сургалт 2026.10.15,16-ны өдрүүдэд цахим болон хээрийн дадлага сургууль хийгдэж дуудлага хүлээн авагчдын сэтгэн бодох болон түргэн шуурхай шийдвэр гаргах чадварыг сорьсон ур чадварын тэмцээнийг зохион байгууллаа. Тэмцээний үеэр оролцогчид дараах олон талт даалгавруудыг гүйцэтгэж, шилдгүүдээ тодруулав. Үүнд:

📝 500 үгтэй эхийг богино хугацаанд алдаагүй шивэх,

🌐 Гадаад улсын иргэнээс ирсэн яаралтай дуудлагыг хүлээж авах,

📻 Хэт богино долгионы гар станц ашиглан мэдээлэл дамжуулах,

📍 3 үгт хаяг болон координат ашиглан байршлыг нарийн тогтоох,

📄 Илтгэх хуудасны найруулга болон зөв бичих дүрмийн алдааг засах.

Мэргэжлийн ур чадвараараа бусдыгаа манлайлан оролцсон алба хаагчиддаа амжилт хүсье!