Нийслэлийн хэмжээнд 2026 оны II ээлжийн хугацаат цэргийн албаны татлага маргааш эхлэхтэй холбогдуулан өнөөдөр дүүргийн Цэрэг татлагын товчооны хурал боллоо. Хурлаар дүүргийн Засаг даргын Тамгын газрын дарга Ө.Энхбаяр нийслэл, дүүргийн Засаг даргын захирамжийг танилцуулж, зохион байгуулалтын зарим анхаарах асуудлаар холбогдох албаныханд үүрэг, чиглэл өглөө. Энэ удаагийн цэрэг татлагаар хөдөө орон нутагт зарлан дуудах мэдэгдэл авсан иргэд Улаанбаатар хотод түр оршин суугаа газрынхаа харьяа цэрэг татлагын байранд очиж, оролцох боломжтой хэвээр. Мөн энэ удаад "Эрт илрүүлэг", "Эрүүл монгол хүн" хөтөлбөрийн хүрээнд залуусыг цэрэг татлагын товчооны эрүүл мэндийн үзлэгт түлхүү оруулж нарийн мэргэжлийн үзлэг, шинжилгээнд хамруулахыг даалгалаа.