Монгол Улсын Хөдөө аж ахуйн гавьяат ажилтан, волейболын спортын мастер Нямаагийн Гэжээгийн нэрэмжит Ахмадын аймгийн аварга шалгаруулах волейболын нээлттэй тэмцээн 2026 оны 10 дугаар сарын 16–18-ны өдрүүдэд Увс аймгийн Спортын ордонд зохион байгуулагдаж байна.
Тус тэмцээний нээлтийн үйл ажиллагаа өнөөдөр буюу 10 дугаар сарын 16-ны өдрийн 14:00 цагт боллоо.
Нээлтийн үйл ажиллагаанд Увс аймгийн Биеийн тамир, спортын газрын дарга Б.Бадарч оролцож, тэмцээнийг нээж үг хэлсэн бол Увс аймгийн Засаг дарга Э.Насанбат хүрэлцэн ирсэн баг тамирчдад мэндчилгээ дэвшүүлж, амжилт хүслээ.
🇲🇳🇷🇺 Монгол улс, ОХУ дипломат харилцаа тогтоосны 105 жилийн ойн хүрээнд зохион байгуулагдаж буй тус тэмцээнд ОХУ-ын Бүгд Найрамдах Тува Улсаас баг тамирчид хүрэлцэн ирж оролцож байгаагаараа онцлог юм.
Тэмцээнд нийт 30 багийн 250 гаруй тамирчин оролцож, хурд хүч, авхаалж самбаа, ур чадвараа сорин өрсөлдөж байна.
💐 Ахмад тамирчдадаа спортын өндөр амжилт, эрүүл энх, аз жаргал, сайн сайхан бүхнийг хүсэн ерөөе!
СПОРТООР НЭГДЬЕ — ЭРҮҮЛ, ИДЭВХТЭЙ АМЬДАРЪЯ! 🏐
