Газар зохион байгуулалтын мэргэжлийн чиглэлийн мэргэжилтнийг давтан сургах, мэргэжил дээшлүүлэх сургалтыг төрийн зарим чиг үүргийг төрийн бус байгууллагаар гүйцэтгүүлэх гэрээний дагуу Монголын газар зохион байгуулалтын холбоо НҮТББ, Монголын газрын менежментийн нэгдсэн эвсэл НҮТББ-уудтай хамтран зохион байгуулж байна.

Тус сургалтын 2026 оны хаврын бүртгэл 2026 оны 10 дугаар сарын 16-ны өдрөөс 10 дугаар сарын 24-ний өдөр хүртэл явагдана.

Сургалтад бүртгүүлэх мэргэжилтнүүд салбарын сургалтын (surgalt.gazar.gov.mn) цахим систем рүү нэвтрэн орж, өөрийн суралцах мэргэшлийн хүрээг сонгон бүртгэлээ хийнэ үү.

Сургалтад бүртгүүлэхдээ дараах зүйлсийг анхаарна уу:

✅ Зөвлөх болон мэргэшсэн инженерүүдэд зориулсан 10 кредит багц цагийн сургалт (заавал судлах -5 кредит, сонгон судлах - 5 кредит) нийт 10 өдөр тасралтгүй явагдана. Уг сургалтад тухайн мэргэжлээрээ 5 болон түүнээс дээш жил ажилласан, нийгмийн даатгал тасралтгүй 60 сар төлөгдсөн Газар зохион байгуулалтын инженерүүд хамрагдах;

✅ Сургалтад бүртгүүлэхдээ өөрийн овог, нэр, регистрийн дугаар, байгууллагын мэдээллийг үнэн зөв оруулах;

✅ Мэргэшлийн зэргийн хүчинтэй хугацааг шалган, мэргэшлийн зэрэг горилох, сунгах төрлийг профайл хэсгийн бүртгэл хэсгээс харж нягтлах;

✅ Сургалт, шалгалтын хуваарийн мэдээллийг тогтмол шалгах.

Дэлгэрэнгүй мэдээллийг 📞 99102079 (Монголын газрын менежментийн нэгдсэн эвсэл НҮТББ) утсаар лавлана уу.