Монгол Улсын Ерөнхийлөгч У.Хүрэлсүх Дорноговь аймгийн Замын-Үүд суманд ажиллаж, төрийн албан хаагчид болон орон нутгийн иргэдтэй уулзан, улс орны нийгэм, эдийн засгийн байдал, хөгжлийн бодлого, “Тэрбум мод”, “Хүнсний хувьсгал”, “Цагаан алт”, “Ерөнхийлөгчийн илгээлт-2100”, “Эрүүл монгол хүн” зэрэг үндэсний хөдөлгөөн, хөтөлбөрийн хэрэгжилт, үр дүнгийн талаар мэдээлэл өглөө.
Мөн эрчим хүч, нефтийн бүтээгдэхүүн, хүнс, цемент, ган, бордооны хэрэгцээг дотоодоосоо хангаж, экспортлогч орон болоход хүн бүрийн оролцоо чухал болохыг онцолж, сахилга, хариуцлага, ёс зүйг эрхэмлэн, эх орныхоо хөгжилд хувь нэмрээ оруулахыг уриалав.
Энэ үеэр олон жил үр бүтээлтэй ажилласан эрхмүүдэд Монгол Улсын Ерөнхийлөгчийн 2026 оны 10 сарын 1-ний өдрийн 181 дүгээр зарлигаар төрийн дээд одон, медалийг гардуулан өглөө.
