Шүүхийн шийдвэр гүйцэтгэх байгууллагын хүний нөөцийн чадавхыг бэхжүүлэх, алба хаагчдын мэргэжлийн мэдлэг, ур чадварыг дээшлүүлэх зорилго бүхий “Хүний хөгжил-байгууллагын чадавх” менторшип хөтөлбөрийн хүрээнд “Шийдвэр гүйцэтгэгчдийг чадавхжуулах сургалт”-ыг 2026 оны 10 дугаар сарын 12-ны өдрөөс 11 дүгээр сарын 12-ны өдрийг хүртэл хугацаанд зохион байгуулж эхэллээ.
Сургалтын гол зорилго нь шийдвэр гүйцэтгэх ажиллагааны чиглэлээр мэргэшсэн, туршлагатай алба хаагчид болон мэргэжлийн багш нар удирдан явуулж, онол, практикийг хослуулсан хичээл, тохиолдолд суурилсан хэлэлцүүлэг, туршлага солилцох арга хэлбэрээр зохион байгуулж, шийдвэр гүйцэтгэгчдийн мэргэжлийн мэдлэг, ур чадварыг дээшлүүлэхийн зэрэгцээ харилцаа, хандлага, ёс зүйг төлөвшүүлэхэд чиглэгдэж байна.
Тус сургалтад Нийслэлийн шүүхийн шийдвэр гүйцэтгэх газар болон Банкны төлбөр барагдуулах газрын нийт 27 залуу офицер хамрагдаж байна.
