https://iwpg.org/en/8th-peace-art-competition-final_results/
🌍 🗺 Ази, Европ, Америк, Ойрхи Дорнод, Африкийн (БНСУ, АНУ, Их Британи, Чех, Герман, Япон гэх мэт) дэлхийн 20 гаруй орны шилдэг шилдэг 6.800 хүүхэд багачууд энх тайвны төлөө уран бүтээлээрээ өрсөлдсөн "Олон улсын эмэгтэйчүүдийн энх тайвны бүлэг" (IWPG)-ээс зохион байгуулсан 8 дахь удаагийн "Миний энх тайвны түүх" гар зургийн олон улсын уралдааны эцсийн дүн гарлаа.
🎨 Энэхүү нэр хүндтэй тэмцээний 1-р шатыг Булган аймагт 4 насны ангилалаар амжилттай зохион байгуулж, Олон улсын хүүхдийн эрхийн өдрөөр Хүүхдийн байгууллагын их танхимд нийт 97 бүтээлээр үзэсгэлэн гарган олон нийтэд дэлгэж байсан билээ. Тус үзэсгэлэнгээс шалгарч, цааш эх орноо төлөөлөн олон улсын шатанд илгээгдсэн бүтээлүүдээс эцсийн шатанд (International Finals) өрсөлдсөн Булган аймгийн Спортын төрөлжсөн сургалттай ерөнхий боловсролын сургуулийн 6а ангийн сурагч Н. ЯЛАЛТБААТАР нь 10-12 насны ангилалд шагналт 4-Р БАЙР-т шалгарлаа.
Бэлтгэгч багшаар Булган аймгийн Ерөнхий боловсролын 3 дугаар сургуулийн НУТГИЙН ӨНГӨ ДУГУЙЛАНГИЙН Дүрслэх урлаг, дизайн технологийн багш Л. НАРАНЗАЯА ажиллалаа.
Тэмцээний шилдэг 37 хүүхдийн нэгээр шалгарч, Булган аймгийнхаа нэрийг олон улсад гаргасан Н. Ялалтбаатар , түүний гэр бүл, удирдсан багшид нь баяр хүргэж, урлан бүтээх их үйлсэд нь өндөр амжилт хүсэе!
