Гадаад харилцааны яамны Төрийн нарийн бичгийн дарга Л.Мөнхтүшиг 2026 оны 10 дугаар сарын 14-ний өдөр Венецийн комиссын Ерөнхийлөгч Марта Картабиа, Ерөнхий нарийн бичгийн дарга Симона Граната-Менгини нарыг хүлээн авч уулзав.
Уулзалтын үеэр талууд Монгол Улс Венецийн комиссын жинхэнэ гишүүн болох боломж, холбогдох процессын талаар ярилцаж, санал солилцов. Төрийн нарийн бичгийн дарга Л.Мөнхтүшиг Монгол Улсын Үндсэн хуулийн цэц 2011 онд Европын Зөвлөлийн Венецийн комиссоос зохион байгуулдаг Үндсэн хуулийн шүүхүүдийн дэлхийн бага хурлын гишүүнээр элссэн болохыг онцлон тэмдэглэж, Үндсэн хуулийн цэцийн гадаад харилцаа, хамтын ажиллагааг өргөжүүлэх чиглэлээр Венецийн комисстой хамтарч ажиллахаа илэрхийлэв.
Дээрх уулзалтад Гадаад харилцааны яамны Гэрээ, эрх зүйн газар, Үндсэн хуулийн цэцийн Гадаад харилцаа, хамтын ажиллагааны хэлтсийн холбогдох албан тушаалтнууд мөн оролцов.
