Гэрийн тэжээвэр амьтны тухай хуулийн хэрэгжилтийг хангах ажлын хүрээнд Мал эмнэлгийн ерөнхий газрын даргын 2026 оны 10 дугаар сарын 05, 08-ны өдрийн холбогдох шийдвэрүүдээр “Нохой, муур үржүүлэх үйл ажиллагаа эрхлэх журам”, “Эзэнгүй амьтан түр байрлуулан асрамжлах үйл ажиллагаа эрхлэх журам”-ыг тус тус баталлаа.
Эдгээр журмаар нохой, муур үржүүлэх болон эзэнгүй амьтныг түр байрлуулан асрамжлах үйл ажиллагаанд тавигдах мал эмнэлэг, ариун цэвэр, халдвар хамгааллын шаардлага, бүртгэл, хяналт, үйл ажиллагаа эрхлэгчийн эрх, үүргийг зохицуулсан.
Журмууд нь гэрийн тэжээвэр амьтны эрүүл мэнд, аюулгүй байдлыг хамгаалах, халдварт өвчнөөс урьдчилан сэргийлэх, амьтныг хариуцлагатай үржүүлэх, асрамжлах үйл ажиллагааг зохицуулахад чиглэж байна.
Захиргааны хэм хэмжээний актын улсын нэгдсэн бүртгэлд журмуудыг бүртгүүлэхээр хүсэлт, материалыг хүргүүлээд байна.
