Аймгийн Засаг даргын Тамгын газар, аймгийн Ахмадын хороо, аймгийн Нийгмийн даатгалын газар, аймгийн Хөдөлмөр, халамжийн үйлчилгээний газар хамтран “Ахмадаа сонсъё, асуудлаа хэлэлцье” сэдэвт хэлэлцүүлгийг зохион байгууллаа.

Тус арга хэмжээг Монгол Улсын Хүний эрхийн Үндэсний Комиссын санаачилгаар ахмад настны эрх, хууль ёсны ашиг сонирхлыг хамгаалах, нийгмийн оролцоог нэмэгдүүлэх, тулгамдаж буй асуудлыг тодорхойлох, шийдвэрлэх арга замын талаар санал солилцох зорилгоор зохион байгуулав.

Хэлэлцүүлэгт аймгийн Ахмадын хорооны дарга Х.Бейбитхан, аймгийн Нийгмийн даатгалын газрын дарга М.Армия, Хөдөлмөр, халамжийн үйлчилгээний газрын Халамжийн хэлтсийн дарга Х.Нуршырах, аймгийн ЗДТГ-ын Хөдөлмөр, нийгмийн хамгааллын бодлого хариуцсан мэргэжилтэн Б.Ерген нар оролцож, тус тусын салбарын үйл ажиллагаа, ахмад настнуудад үзүүлж буй үйлчилгээ, нийгмийн хамгаалал, даатгал, халамжийн чиглэлээр хэрэгжүүлж буй ажил, арга хэмжээний талаар мэдээлэл танилцууллаа.

Мөн хэлэлцүүлгийн үеэр ахмад настны эрхийн хэрэгжилт, нийгмийн даатгал, халамжийн үйлчилгээний хүртээмж, ахмад настны нийгмийн оролцоог нэмэгдүүлэх зэрэг асуудлыг хөндөн ярилцаж, оролцогчдын санал хүсэлтийг сонсон, тулгамдаж буй асуудал болон тэдгээрийг шийдвэрлэх боломжит арга замын талаар санал солилцов.

Хэлэлцүүлгээс гарсан санал, хүсэлт, тулгамдсан асуудлыг нэгтгэн холбогдох байгууллагуудад уламжилж, цаашдын бодлого, үйл ажиллагаанд тусган ажиллахыг зорьж байна