Монгол Улсын Ерөнхийлөгчийн зарлигийн дагуу жил бүр зохион байгуулдаг Бүх нийтээр мод тарих үндэсний өдрийг тохиолдуулан Баян-Өлгий аймгийн хэмжээнд намрын мод тарих аяныг зохион байгуулж байна.
Энэ хүрээнд Өлгий сумын хэмжээнд гурван байршилд мод тарих арга хэмжээг зохион байгуулж, төрийн болон хувийн хэвшлийн байгууллага, аж ахуйн нэгж, иргэдийг өргөнөөр хамруулан ногоон байгууламжийг нэмэгдүүлэх, хүрээлэн буй орчныг хамгаалах үйл ажиллагааг хэрэгжүүлж байна.
Тус арга хэмжээнд аймгийн Засаг даргын Тамгын газар болон холбогдох байгууллагууд идэвхтэй оролцож, “Ногоон хашаа”-нд мод тарилаа.
Өнөөдрийн байдлаар Өлгий сумын хэмжээнд төрийн болон хувийн хэвшлийн нийт 24 байгууллага, аж ахуйн нэгж, иргэд мод тарих аянд нэгдэж, 1000 орчим мод тарьсан байна.
Мод тарих үйл ажиллагаанд Байгаль орчны газар, Сум дундын ойн ангийн мэргэжилтнүүд нэгдсэн заавар зөвлөгөөг газар дээр нь өгч ажиллалаа.
