📚 Налайх дүүргийн Ерөнхий боловсролын Голомт сургуульд Алтан гадас одонт, Ардын боловсролын тэргүүний ажилтан, Гавьяат багш Д.Болдын нэрэмжит Физикийн кабинет шинээр нээгдлээ.
🔬 Тус кабинетийг Гавьяат багш Д.Болдын гэр бүл, үр хүүхдүүдийн санаачилга, дэмжлэгээр тохижуулж, Голомт сургуулийн сурагчдын физикийн хичээлээр олж авсан мэдлэгээ туршилт, дадлагаар бататгах, шинжлэх ухаанч сэтгэлгээг хөгжүүлэх орчин болгон байгуулжээ.
👨🏫 Монголын боловсролын салбарт олон жил үр бүтээлтэй ажиллаж, үе үеийн шавь нараа эрдэм номд хөтөлж явсан эрхэм багшийнхаа нэрийг ийнхүү сургуульдаа мөнхөлж, түүний хөдөлмөр, зүтгэлийг хойч үедээ өвлүүлэн үлдээж байгаа нь онцгой ач холбогдолтой юм.
✨ Энэхүү кабинет нь сургуулийн сурагчдад физикийн шинжлэх ухааныг илүү сонирхон судлах, туршилт хийх, мэдлэг чадвараа хөгжүүлэх шинэ боломжийг бүрдүүлж, цаашид олон хүүхдийн эрдэм боловсролд үнэтэй хувь нэмэр оруулах юм.
💐 Сурагчдынхаа боловсрол, хөгжилд зориулан энэхүү үнэ цэнтэй орчныг бүрдүүлж, эрхэм багшийнхаа нэр алдрыг хойч үедээ өвлүүлэн үлдээж буй Д.Болд багшийн гэр бүл, үр хүүхдүүдэд талархал илэрхийлье
