Дундговь аймгийн Засаг даргад ирүүлсэн өргөдөл, санал хүсэлтийг судлан, нийгмийн дэмжлэг, туслалцаа шаардлагатай хоёр өрхөд бодит дэмжлэг үзүүллээ.
Өрхийн амьдралын нөхцөл, хэрэгцээ шаардлагыг харгалзан үзэж, энэ удаад нэн шаардлагатай хоёр өрхөд 5 ханатай иж бүрэн шинэ гэр хүлээлгэн өгсөн юм.
Энэхүү дэмжлэг нь өрхийн амьдрах орчин, ахуй нөхцөлийг сайжруулахын зэрэгцээ хүүхдийн эрүүл, аюулгүй орчинд өсөж, хөгжих боломжийг нэмэгдүүлэхэд чиглэж байна.
