Японы Олон улсын хамтын ажиллагааны байгууллага (ЖАЙКА), Удирдлагын академитай хамтран “Орчин үеийн дижитал технологи ба хиймэл оюуны хэрэгслүүдийг төрийн албанд үр ашигтай ашиглах нь” сэдэвт сургалтыг 2026 оны 10 дугаар сарын 5–6-ны өдрүүдэд Баян-Өлгий аймагт зохион байгууллаа.

Сургалтад аймгийн Засаг даргын Тамгын газар болон Засаг даргын дэргэдэх агентлагуудын холбогдох албан тушаалтнууд хамрагдав.

Сургалтын хүрээнд:

• Орчин үеийн дижитал технологийн хөгжил, хэрэглээ

• Дижитал засаглалын бодлого, өгөгдөлд суурилсан шийдвэр гаргалт

• Кибер аюулгүй байдал, цахим ёс зүй

• Хиймэл оюуны хэрэгслүүдийг төрийн үйл ажиллагаанд үр ашигтай ашиглах арга зүй

• Хиймэл оюуныг аюулгүй, ёс зүйтэй, хууль тогтоомжид нийцүүлэн ашиглах зарчим зэрэг сэдвийг хамрав.

Энэхүү сургалт нь төрийн албан хаагчдын дижитал ур чадварыг дээшлүүлэх, технологийн шийдэл ашиглан ажлын бүтээмжийг нэмэгдүүлэх, иргэдэд үзүүлэх төрийн үйлчилгээний чанар, хүртээмжийг сайжруулахад чиглэсэн юм.

Сургалтыг Удирдлагын академийн Бодлого, улс төр судлалын тэнхимийн дэд профессор, доктор Б.Ганцэцэг, Мэдээллийн технологийн албаны дарга М.Хурмет нар удирдан явууллаа.