Дэлхийн багш нарын 32, Монголын багш нарын 60 дахь өдрийн багш нарын баярын хурал Эмпати сургуулийн хурлын танхимд боллоо.
Баярын хуралд аймгийн боловсролын салбарын багш, ажилтнууд болон аймгийн Засаг даргын орлогч К.Бахытжан, аймгийн БШУГ-ын дарга Х.Тойлыбай, аймгийн ЗДТГ-ын Нийгмийн бодлогын хэлтсийн Боловсрол, шинжлэх ухааны асуудал хариуцсан мэргэжилтэн Ж.Эльмира нар оролцлоо.
Хурлыг нээж аймгийн Боловсролын газрын дарга Х.Тойлыбай үг хэлж, багш нарынхаа нийгмийн үнэт үүрэг, боловсролын салбарын ололт амжилтыг онцлон тэмдэглэлээ. Улмаар аймгийн Засаг даргын орлогч К.Бахытжан мэндчилгээ дэвшүүлж, “Монголын ирээдүй болсон хүүхэд, залуусын боловсролын төлөө мэдлэг чадвар, ур ухаанаа зориулан ажиллаж ирсэн үе үеийн ахмад багш нар болон өнөө цагийн эрдэмтэн багш, боловсролын салбарын нийт ажилтнууддаа баярын мэнд” дэвшүүлэв.
Энэ үеэр Боловсролын салбарт олон жил үр бүтээлтэй ажилласан багш нарыг улс, аймаг, яамны шагналаар шагнан урамшуулсан юм.
2026-2027 оны хичээлийн жилд ерөнхий боловсролын сургууль болон цэцэрлэгийн тоо нэгээр нэмэгдэж, Төрөлжсөн ахлах сургуулийг анх удаа байгуулан нийт еренхий боловсролын 45 сургууль, 69 цэцэрлэг, СӨБ-д 10583 хүүхэд, ЕБС-д 28710 хүүхэд, нийт 5944 багш, ажилтантайгаар үйл ажиллагаагаа явуулж байна.
