Монгол Улсын Ерөнхийлөгчийн зарлигаар жил бүрийн 5 болон 9 дүгээр сарын бямба, ням гарагийг “Тэрбум мод” үндэсний хөдөлгөөний хүрээнд мод тарих үндэсний өдөр болгон зарласан.
Энэ хүрээнд яам, харьяа болон салбар байгууллагуудын хамтарсан мод тарих арга хэмжээ өнөөдөр Баянзүрх дүүрэгт байрлах Олон улсын эко цэцэрлэгт хүрээлэнд зохион байгуулагдлаа.
Арга хэмжээнд Төрийн цахим үйлчилгээний зохицуулалтын газрын албан хаагчид идэвх, санаачилгатай оролцож, мод тарих, ногоон байгууламжийг нэмэгдүүлэх, байгаль орчноо хамгаалах үйлсэд хувь нэмрээ орууллаа. Мөн тус арга хэмжээний үеэр Төрийн цахим үйлчилгээний зохицуулалтын газар “Тэрбум мод” үндэсний хөдөлгөөнд нэгдэж, хувь нэмрээ үнэлүүлж, мод өмчлөгчийн батламж гардан авсан юм. “Тэрбум мод” үндэсний хөдөлгөөнд байгууллага, хамт олноороо нэгдсэнээр байгаль орчныг хамгаалах, уур амьсгалын өөрчлөлтийн сөрөг нөлөөллийг бууруулах, ногоон хөгжлийг дэмжихэд бодит хувь нэмэр оруулахын зэрэгцээ иргэд, олон нийтийг мод тарих, арчлан хамгаалах үйлсэд уриалж байна.
