Монгол Улсын Засгийн газрын “Цахимаар нэн тэргүүнд” бодлогын хүрээнд зохион байгуулагдсан “Цахим Баянхонгор” арга хэмжээний үеэр харилцаа холбоо, мэдээллийн технологийн салбарын төрийн болон хувийн хэвшлийн байгууллагуудын төлөөлөл оролцож, салбарын бодлого, хэрэгжилт, өнөөгийн нөхцөл байдал, цаашдын хөгжлийн чиг хандлага, хамтын ажиллагааны боломжийн талаар хэлэлцлээ.
Энэ хүрээнд Монгол Улсын цахим шилжилтийн бодлого, төрийн цахим үйлчилгээний өнөөгийн байдал, орон нутгийн цахим шилжилтийн зорилт, харилцаа холбооны дэд бүтцийн хөгжил, кибер аюулгүй байдлын сорилт, хиймэл оюуны эрчимтэй хөгжиж буй орчин дахь шинэ боломж, эрсдэлийн талаар салбарын мэргэжилтнүүд илтгэл хэлэлцүүлж, оролцогчид санал бодлоо солилцов. Мөн төрийн үйлчилгээг иргэдэд хүртээмжтэй хүргэх, салбарын үйл ажиллагааг тасралтгүй хэрэгжүүлэхэд үнэтэй хувь нэмэр оруулж буй төрийн үйлчилгээний нэгдсэн системийн операторуудад батламж гардуулав.
