Монгол Улсын Засгийн газрын 2026 оны 301 дүгээр тогтоол, Эрүүл мэндийн сайд, Боловсролын сайдын 2026 оны А/255, А/254 дүгээр хамтарсан тушаалын хүрээнд цэцэрлэг, ерөнхий боловсролын сургуульд суурилсан хүүхдийн урьдчилан сэргийлэх, эрт илрүүлэх үзлэгийг улсын хэмжээнд зохион байгуулж байна.
Тус үзлэгийг амжилттай хэрэгжүүлэх, эмч, эмнэлгийн мэргэжилтнүүдийг чадавхжуулах зорилгоор үе шаттай сургалт, бэлтгэл ажлуудыг зохион байгуулж байгаа бөгөөд Орхон аймгийн нээлтийн үйл ажиллагаа 2026 оны 10 дугаар сарын 2-ны өдөр боллоо.
Нээлтийн үйл ажиллагаанд:
Орхон аймгийн Эрүүл мэндийн газрын дарга Ц.Мөнхцэцэг
НҮБ-ын Хүүхдийн сангийн эрүүл мэндийн мэргэжилтэн Д.Уранчимэг
Монголын Шинжлэх ухааны академийн гишүүн, Анагаах ухааны доктор Б.Сувд
Сум, өрхийн эрүүл мэндийн төвийн дарга, эмч, эмнэлгийн мэргэжилтэн
Ерөнхий боловсролын сургуулийн эмч нар оролцлоо.
ОРХОН АЙМАГТ 9, 11 ХҮҮХЭД ХАМРАГДАНА
Орхон аймагт үйл ажиллагаа явуулж буй 22 сургууль, 33 цэцэрлэгийн 4 насны 9, 11 хүүхэд, мөн ерөнхий боловсролын сургуулийн 6–15 насны хүүхдүүдийг урьдчилан сэргийлэх, эрт илрүүлэх үзлэг, шинжилгээнд хамруулахаар төлөвлөн ажиллаж байна.
Үзлэг, шинжилгээний хүрээнд:
Хоолой, залгиурын үрэвслийг эрт илрүүлэх
Стрептококкын халдварын илрүүлэг шинжилгээнд хамруулах
Хэрхийн шалтгаант зүрхний олдмол эмгэгээс урьдчилан сэргийлэх
зорилтын хүрээнд хүүхдүүдийг үзлэг, шинжилгээнд хамруулна.
Энэхүү эрт илрүүлэг нь хүүхдийн эрүүл мэндийн эрсдэлийг эрт үед нь илрүүлж, шаардлагатай тохиолдолд оношилгоо, эмчилгээ, хяналтад цаг алдалгүй хамруулахад чухал ач холбогдолтой.
