Шүүх шинжилгээний байгууллагын Шүүх анагаах ухааны шинжилгээний газар нь Канад Улсын Элчин сайдын яамнаас хэрэгжүүлж буй “Орон нутгийн жижиг хэмжээтэй, үр нөлөөтэй санаачилгыг дэмжих Канад сан” хөтөлбөрт “Сэтгэл зүйн тусламж үзүүлэх сэтгэл заслын хүүхдийн кабинет тохижуулах” төслийн саналыг хүргүүлж, Канад сангийн 2026-2027 оны төслийн сонгон шалгаруулалтад тэнцэж, гэрээ байгууллаа.

Уг төслийн хүрээнд хүчирхийлэлд өртсөн хүүхдэд тусламж, үйлчилгээ үзүүлэх нөхцөл боломжийг бүрэн хангасан өрөөг тохижуулах бөгөөд гэмт хэргийн хохирогч болсон хүүхдэд сэтгэл зүйн тусламж, дэмжлэг үзүүлэх аюулгүй орчин бүрдэхээс гадна хүүхдийн айдас, сэтгэл зүйн дарамтыг бууруулах, нийгэмд дасан зохицох чадварыг дэмжих, цаашид эрсдэлд өртөхөөс урьдчилан сэргийлэх, хүүхдийн эрх, хамгааллыг хангахад бодитой хувь нэмэр оруулах ач холбогдолтой юм.