Энэ онд орон БОЭТ-д орон нутгийн төсвийн 7,2 тэрбум төгрөгийн хөрөнгө оруулалтаар гурван багц ажил хийгдсэн. 2.7 тэрбум төгрөгийн санхүүжилтээр БОЭТ-ийн 6 тасаг нэгжид шаардлагатай тоног төхөөрөмж, багаж хэрэгслээр хангах ажил 100 хувь дуусчээ.
Энэ талаар БОЭТ-ийн захирал Ц.Наран-Эрдэнэ "Энэ онд оношилгооны чадамжтай тоног төхөөрөмжөөр хангагдлаа. Тухайлбал, ургийг эрт үед нь оношлох, зүрх судасны хүндрэлийг илрүүлэх, жижиг хэмжээтэй хорт хавдрыг эрт илрүүлэх гэх мэт эхо аппараттай болсон.
Мөн бид хагалгааны өрөө, тоног төхөөрөмжийн асуудлыг байнга ярьдаг. 50 жилийн түүхтэй эмнэлэгт мэс заслын суурь багаж хэрэгсэл хүртэл дутагдалтай байсан. Харин энэ асуудлыг шийдвэрлэж, тархины хагалгаа болон гэмтлийн дээд, доод мөчний мэс засал хийхэд шаардлагатай суурь багаж, тоног төхөөрөмжөөр хангагдлаа.
Олон улсад мөрдөгдөж буй хагалгааны өрөөний стандартад нийцсэн орчин бүрдсэнээр орон нутагт нарийн мэргэжлийн мэс засал хийх, эмч, мэргэжилтнүүдээ сургаж бэлтгэх боломж нэмэгдэж байна. Ингэснээр эрүүл мэндийн тусламж үйлчилгээг орон нутагт үзүүлэх, Засгийн газрын төвлөрлийг сааруулах бодлогыг хэрэгжүүлэхэд чухал ач холбогдолтой юм" гэлээ.
