Нийслэлийн Хүүхдийн 49 дүгээр цэцэрлэг нь Хан-Уул дүүргийн 10 дугаар хорооны нутаг дэвсгэрт байрладаг.
Тус цэцэрлэг нь 1963 оны 01 дүгээр сарын 25-ны өдөр Нисэхийн ажилчдын хүүхдийг сурган хүмүүжүүлэх зорилгоор 4 бүлэгтэй, 100 хүүхэд хүлээн авах хүчин чадалтай, 15 багш, ажилтантайгаар үйл ажиллагаагаа эхлүүлсэн түүхтэй.
1965 онд эцэг эх, асран хамгаалагчдын оролцоо, дэмжлэгээр тоглоомын талбай байгуулж, 1967 онд 2 өрөө бүхий склад барьж байгуулсан. Мөн тухайн үед гахай, тахианы аж ахуй эрхэлж байжээ.
Өнөөдөр тус цэцэрлэг нь хүүхэд бүрийн онцлог, авьяас чадварыг дэмжин хөгжүүлж, эрүүл, аюулгүй, ээлтэй орчинд тоглонгоо суралцах боломжийг бүрдүүлэн, зөв дадал, зөв хандлагатай бие даасан, бүтээлч иргэнийг төлөвшүүлэх зорилгоор үйл ажиллагаагаа явуулж байна.
