
Гэр бүл, хөдөлмөр, нийгмийн хамгааллын сайдын 2025 оны А/130 дугаар тушаалаар батлагдсан “Хөдөлмөрийн аюулгүй байдал, эрүүл ахуйн сургалт зохион байгуулах журам”-ын хэрэгжилтийг хангах хүрээнд ХАБЭА-н ажилтны сургалтын бүртгэл хөтлөх, суралцагчийн мэдээллийг баталгаажуулах, мэдлэг үнэлэх сорилын шалгалтад бүртгүүлэх, шалгалт өгөх болон цахим системийг ашиглахтай холбоотой заавар, мэдээллийг хүргэж байна.
1. Суралцагч, шалгуулагчид
ХАБЭА-н ажилтны сургалтад хамрагдсан суралцагч нь цахим системээр өөрийн сургалтын бүртгэл, мэдээллийг хянах, сургалтын шаардлага хангасан эсэхээ баталгаажуулах, шалгалтын тов, нөхцөлтэй танилцах, шалгалтад бүртгүүлэх, мэдлэг үнэлэх сорилд хамрагдах, шалгалтын үр дүн болон холбогдох мэдээллийг харах боломжтой.
Суралцагч, шалгуулагч нь student.osh.gov.mn цахим системд ДАН системээр нэвтэрч, өөрийн мэдээллийг нягтлан баталгаажуулж, шалгалтын журам, нөхцөлтэй танилцан, бүртгэл болон шалгалтын үйл ажиллагаанд оролцоно.
Шалгалтад хамрагдах үйл явцыг цахим системд нэвтрэхээс эхлэн шалгалтын үр дүн, холбогдох лавлагаа авах хүртэлх үе шаттайгаар “ХАБЭА-н ажилтны цахим сорилын шалгалт өгөх алхамчилсан заавар”-д дэлгэрэнгүй тусгасан болно.
Цахим систем: student.osh.gov.mn
2. Сургалтын байгууллагуудад
Сургалтын байгууллага нь цахим системээр өөрийн байгууллагын мэдээлэл, суралцагчийн бүртгэл, сургалтын шаардлага хангасан эсэх талаарх баталгаажуулалт, сургалтын тайлан, үнэлгээ болон шалгалтын үр дүнтэй холбоотой мэдээллийг хөтөлж, холбогдох тайлан, мэдээг цахим системээр хүргүүлнэ.
Сургалтын байгууллагын цахим систем: exam.osh.gov.mn
Сургалтын байгууллага, суралцагч, шалгуулагчид цахим системийг ашиглахын өмнө холбогдох заавар, тавигдах шаардлага, бүртгэл болон шалгалтад хамрагдах дараалалтай сайтар танилцаж, зааврын дагуу үйл ажиллагааг хэрэгжүүлнэ үү.
Хавсралт:
ХАБЭА-н ажилтны сургалтын бүртгэл хөтлөх, мэдлэг үнэлэх сорилын цахим систем ашиглах заавар: https://drive.google.com/drive/folders/1WwnJBPTl1wTgB_cze4RcwUCZYgIVVExt
ХАБЭА-н ажилтны цахим сорилын шалгалт өгөх алхамчилсан заавар: https://drive.google.com/drive/folders/11HvyEtcKcfp2yVcJBr9r_5hspgjfMH71