
Хөдөлмөрийн аюулгүй байдал, эрүүл мэндийн төвөөс 2026 оны 10 дугаар сарын 30-ны өдөр “Хөдөлмөрийн аюулгүй байдал, эрүүл мэндийн эрдэм шинжилгээний хурал–2026”-ыг зохион байгуулна.
Хөдөлмөрийн аюулгүй байдал, эрүүл мэндийн салбарт судалгаа, шинжилгээ, практикийн үйл ажиллагаагаар хувь нэмрээ оруулж буй эрдэмтэн, судлаач, багш, оюутан, ХАБЭА-н мэргэжилтэн, аж ахуйн нэгж, байгууллагын төлөөлөл Та бүхнийг эрдэм шинжилгээний илтгэлийн уралдаанд оролцохыг урьж байна.
ЭРДЭМ ШИНЖИЛГЭЭНИЙ ИЛТГЭЛИЙН УРАЛДААНЫ ЗОРИЛГО
Хөдөлмөрийн аюулгүй байдал, эрүүл мэндийн чиглэлээр хийгдсэн судалгааны үр дүн, шинэлэг арга, сайн туршлагыг хэлэлцэн түгээн дэлгэрүүлэх, үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх, ажлын байрны нөхцөлийг сайжруулах чиглэлээр мэдлэг, туршлага солилцох, эрдэмтэн, судлаач, мэргэжилтнүүдийн хамтын ажиллагааг дэмжихэд оршино.
ИЛТГЭЛИЙН СЭДВИЙН ХАМРАХ ХҮРЭЭ
1. Хөдөлмөрийн аюулгүй байдал, эрүүл мэндийн удиртгал, тогтолцоо;
2. Хөдөлмөрийн аюулгүй байдал;
3. Хөдөлмөрийн эрүүл ахуй;
4. Хөдөлмөрийн анагаах ухаан;
5. Мэргэжлээс шалтгаалсан өвчний оношилгоо, эмчилгээ, урьдчилан сэргийлэлт;
6. Үйлдвэрлэлийн осол, мэргэжлээс шалтгаалсан өвчний даатгал, нөхөн олговор.
ИЛТГЭЛИЙН ХЭЛБЭР
Аман илтгэл
Ханан илтгэл
ИЛТГЭЛИЙН ХУРААНГУЙ ХҮЛЭЭН АВАХ ХУГАЦАА
Илтгэлийн хураангуйг 2026 оны 10 дугаар сарын 20-ны өдрийн 17:00 цаг хүртэл доорх холбоосоор бүртгүүлэн ирүүлнэ.
Бүртгүүлэх холбоос: https://docs.google.com/forms/d/e/1FAIpQLSdC6rgYeFAXdpQR-9HN7_M8GMzhiT0oXyXz-J6GMyvj4NmDPg/viewform?usp=publish-editor