Дундговь аймгийн Соёл, урлаг, аялал жуулчлал, залуучуудын газар
СУИС-тай хамтран хэрэгжүүлж буй “Монгол эрдэнэ” төслийн хүрээнд “Угийн бичиг хөтлөлт” сэдэвт сургагч багш бэлтгэх сургалт 09-р сарын 21-24-ний өдрүүдэд Улаанбаатар хотод танхимын болон цахим хосолсон хэлбэрээр зохион байгуулагдаж байна.
Тус сургалтад Дундговь аймгийн 13 сум болон аймгийн хэмжээнд нийт 20 албан хаагч аймгийн Засаг даргын тамгын газрын санхүүжилтээр оролцож байгаа юм.
Сургалт нь монгол хүний удмын санг цэвэр ариун байлгах, эрүүл мэнд, удам угсааг хамгаалах, иргэдийн угийн бичиг хөтлөх сэдлийг бий болгох, ураг удмынхаа угийн бичгийг хөтлөхөд сум, албан байгууллага, аж ахуйн нэгж, айл өрх, хувь хүн бүрийн идэвх оролцоог нэмэгдүүлэхэд чиглэж байна.
Тус сургалт нь угийн бичгийг түгээн дэлгэрүүлэх, сурталчлан таниулах, эрхэмлэн дээдлэх, өрхийн түүх болгон хөтөлж, залгамж үедээ өвлүүлэн үлдээх зорилготой юм.
