Орон нутгийн үйлдвэрлэл эрхлэгчид, баялаг бүтээгчдийнхээ бараа бүтээгдэхүүнийг сурталчлан таниулах, борлуулалтыг нэмэгдүүлэх, үндэсний үйлдвэрлэлээ дэмжих, иргэдээ эрүүл, чанартай, экологийн цэвэр бүтээгдэхүүнээр хангах зорилготой “Намрын ногоон өдрүүд-2026” үзэсгэлэн худалдаа 22 дахь жилдээ зохион байгуулагдлаа.

Өнгөрсөн онд тус үзэсгэлэн худалдаанд 160 гаруй иргэн, аж ахуйн нэгж оролцож, 400 сая төгрөгийн борлуулалт хийсэн амжилттай. Энэ жилийн арга хэмжээнд Дорноговь аймгийн 14 сумын 200 орчим иргэн, аж ахуйн нэгж оролцохоор бүртгүүлсэн нь энэхүү арга хэмжээний цар хүрээ, ач холбогдол жилээс жилд өсөн нэмэгдэж буйн тод илэрхийлэл юм.