"Намрын ногоон өдрүүд” үзэсгэлэн худалдаа нь үйлдвэрлэгчдийнхээ хөдөлмөрийг олон нийтэд сурталчлах, шинэ ургацын бүтээгдэхүүнийг хэрэглэгчдэд шууд хүргэх, борлуулалтыг нэмэгдүүлэх, үйлдвэрлэгч ба хэрэглэгчийн харилцааг ойртуулах чухал ач холбогдолтой.
Мөн энэ арга хэмжээ нь зөвхөн бүтээгдэхүүн худалдаалах бус, үйлдвэрлэгчид хоорондоо туршлага солилцох, шинэ хамтын ажиллагаа бий болгох, бүтээгдэхүүний чанар, сав баглаа боодол, боловсруулалт, зах зээлийн боломжоо нэмэгдүүлэхэд чухал ач холбогдолтой юм.
Энэ удаагийн үзэсгэлэн худалдаанд олон жил тогтвортой үйлдвэрлэл эрхлэгчдээс гадна өсвөрийн баялаг бүтээгч хүүхдүүд оролцож байгаа нь онцлогтой байна.
“Намрын ногоон өдрүүд-2026” үзэсгэлэн худалдаа 2026 оны 09 дүгээр сарын 27-ны өдөр хүртэл аймгийн Усан бассейн бүхий спорт ордонд үргэлжилнэ.
Нийт баялаг бүтээгчиддээ амжилт хүсье.
