Татварын ерөнхий газраас ЖАЙКА Сургууль төгсөгчдийн холбоо, ЖАЙКА-гийн Монгол дахь Төлөөлөгчийн газрын дэмжлэгээр “Хувь хүн, Бичил сегмент хариуцсан албан хаагчийн чадавхийг бэхжүүлэх” сургалтыг хамтран зохион байгууллаа.Сургалтыг нээж ТЕГ-ын дэд дарга А.Энхболд, ЖАЙКА-гийн Монгол дахь Төлөөлөгчийн газрын орлогч дарга Иноүэ Юүки, ЖАЙКА Сургууль төгсөгчдийн холбооны Ерөнхий нарийн бичгийн дарга Н.Амартүвшин, ЖАЙКА Сургууль төгсөгчдийн холбооны УЗ-ийн гишүүн Я.Аюушжав нар үг хэлж, амжилт хүслээ. Тус сургалтаар Татвар төлөгчийн бүртгэл, анхаарах асуудал, Хөрөнгийн татварын ногдол, засварлалт, нотлох баримтын бүрдүүлэлт сэдвээр ТЕГ-ын Татвар төлөгчид зөвлөн туслах газрын Төлбөрийн баримт, татвар төлөгчийн бүртгэлийн хэлтсийн дарга Т.Баярмаа, Тайлан боловсруулалтад анхаарах асуудал, Татварын хөнгөлөлт, чөлөөлөлтөд хамруулалт анхаарах асуудал сэдвээр ТЕГ-ын ТТЗТГ-ын татварын улсын байцаагч Б.Түвшинжаргал, Буцаан олголтын анхаарах асуудлууд сэдвээр ТЕГ-ын Татвар хураалтын арга зүйн газрын Орлогын бүртгэл, буцаан олголтын хэлтсийн дарга Д.Тунгалаг, Эерэг харилцаа ба татвар төлөгчтэй үр дүнтэй харилцах ур чадвар сэдвээр Хаан банкны Байгууллагын газрын менежер М.Батбаяр, Татварын ногдол, өр барагдуулахад анхаарах асуудлууд сэдвээр ТХАЗГ-ын дарга Р.Мягмаржав, Татварын хуулийн хэрэглээнд анхаарах асуудал сэдвээр Татварын удирдлага, хуулийн газрын татварын улсын байцаагч Ц.Ундармаа, Татварын хууль тогтоомж даган мөрдөлтийн стратеги, хэрэгжилт сэдвээр ТУХГ-ын дарга Д.Сайханчулуун нар тус тус илтгэл тавьж, хичээл заалаа.Сургалтад танхим болон цахимаар аймаг, дүүргийн 650 гаруй Хувь хүн, Бичил сегмент хариуцсан татварын улсын байцаагч хамрагдлаа.