Баянгол дүүргийн Засаг даргын Зөвлөлийн хурал өнөөдөр болж, өвөлжилтийн бэлтгэл ажил болон цаг үеийн зарим асуудлыг хэлэлцлээ. Тухайлбал, дүүргийн 6-р хороо, Чингүнжавын гудамж дагуух дулааны гол шугамд 07-р сарын 21-ний өдөр гэмтэл гарсан. Үүнээс болж 6-р хорооны 600 гаруй айлын хэрэглээний халуун усыг хаасан бөгөөд үүнтэй холбоотойгоор оршин суугчдаас маш их гомдол, санал ирсэн.
Мөн ОСНААУГ-аас хагарсан шугамыг засаж ашиглалтад оруулсан ч дахин гэмтэл гарсан бөгөөд мэргэжлийн байгууллагууд дээрх 420метр шугамыг яаралтай шинэчлэх солих шаардлагатай. Солихгүй бол өвлийн оргил ачааллыг даахгүй, хүндрэл үүснэ гэсэн мэдээллийг өглөө.
Иймд Зөвлөлийн хурлын гишүүд энэ талаар хэлэлцээд 600 гаруй айл өрх, 2,000 гаруй иргэний асуудал хөндөгдөж байгаа учраас энэ онд хийх хөрөнгө оруулалтын зарим ажил буюу тэвчиж болох зардлуудыг хасаад дээрх шугамыг засварлах нь зүйтэй. Ингэхдээ мэргэжлийн байгууллагууд албан бичгээр санал хүсэлтээ ирүүлснээр хуулийн хугацаанд шийдвэрлэнэ" гэв.
