Улсын Их Хурлын дэд дарга Б.Пүрэвдорж, Улсын Их Хурлын гишүүн Р.Сэддорж, Өмнөговь аймгийн Засаг дарга Н.Энхбат нар Баяндалай суманд ажиллаж, иргэд, хөдөлмөрчидтэй уулзалт зохион байгууллаа.
Уулзалтын үеэр Улсын Их Хурлаар хэлэлцэн баталж буй хууль тогтоомж, төрөөс хэрэгжүүлж буй бодлого, шийдвэрийн талаар иргэдэд мэдээлэл өгч, цаг үеийн асуудлаар санал солилцов.
Мөн уулзалтад оролцсон иргэдийн санал хүсэлт, тулгамдаж буй асуудлыг сонсон, тэдгээрийг шийдвэрлэх боломж, гарцын талаар холбогдох мэдээлэл өгч, санал солилцлоо.
Иргэдийн дуу хоолойг сонсож, орон нутгийн хөгжилд тулгамдаж буй асуудлыг тодорхойлон, шийдвэрлэхэд чиглэсэн энэхүү уулзалт үр дүнтэй боллоо.
