Алтанбулаг чөлөөт бүсийн Захирагчийн ажлын алба болон Хөрөнгө оруулагчдын зөвлөлөөс 2026 оны 09 дүгээр сарын 21-ний өдөр Эдийн засаг, хөгжлийн яамны дэргэдэх Хөрөнгө оруулагчдын эрх ашгийг хамгаалах төвд Алтанбулаг чөлөөт бүсэд үйл ажиллагаа явуулж буй хөрөнгө оруулагчидтай уулзалт, хэлэлцүүлэг зохион байгууллаа. Уулзалт, хэлэлцүүлгээр Зөвшөөрөл, Мэдэгдлийн тухай хуулийн холбогдох зохицуулалтын талаар мэдээлэл өгч, хөрөнгө оруулагчдад тулгамдаж буй асуудлыг хэлэлцэн, цаашид хамтран ажиллах зарчим, чиглэлийг тодорхойллоо. Уулзалтын төгсгөлд Алтанбулаг чөлөөт бүсийн Захирагч Ж.Өнөрбаяр, Хөрөнгө оруулагчдын зөвлөлийн дарга Д.Мөнхбаяр нар "Алтанбулаг чөлөөт бүсэд хөрөнгө оруулалт татах, худалдаа, үйлчилгээний шинэ салбарыг хөгжүүлэх, худалдааг хөнгөвчлөх, олон улсын жишигт нийцүүлэх" чиглэлээр хамтран ажиллах санамж бичиг байгууллаа.