Тус газраас Дотоод хэргийн их сургуультай хамтран криминалистикийн шинжээч, мэргэжилтнүүдийн ажлын ачааллыг бууруулах, хэргийн газрын үзлэгийн чанар, үр дүнг сайжруулах зорилгоор 2026 оны 09 дүгээр сарын 21-ний өдрөөс мөн оны 10 дугаар сарын 21-ний хооронд “Хэргийн газарт мөртэй ажиллах арга зүй” сэдэвт онол, практик хосолсон мэргэшүүлэх сургалтыг зохион байгуулж байна.

Уг сургалтаар шинжлэн магадлахуйн онол, хэргийн газрын үзлэгийн онцлог, холбогдох эрх зүйн зохицуулалт, төрөл бүрийн ул мөр, эд мөрийн баримттай ажиллах арга зүй, шүүх гэрэл зураг авах, дүрс бичлэг хийх зэрэг олон талын мэдлэг, практик ур чадвар олгохоор зорьж байна.