Боловсролын магадлан итгэмжлэх үндэсний зөвлөл (БМИҮЗ) болон Үндэстэн дамнасан дээд боловсролын магадлан итгэмжлэлийн холбоо (ATHEA)-ны хамтын ажиллагааны хүрээнд Монгол Улсын мэргэжлийн болон техникийн боловсрол, сургалтын байгууллага олон улсын хамтарсан магадлан итгэмжлэлийн үнэлгээнд амжилттай хамрагдлаа.

📌 Олон улсын хамтарсан үнэлгээний багт Монгол, Америкийн Нэгдсэн Улс, Румын, Энэтхэг, Холбооны Бүгд Найрамдах Герман Улс, Хойд Македон, Нидерланд зэрэг улсын боловсролын байгууллагын шинжээчид, чанарын баталгаажуулалтын мэргэжилтнүүд болон зохицуулагчид хамтран ажиллав.

📌 Үнэлгээг Европын дээд боловсролын чанарын баталгаажуулалтын стандарт, удирдамж (ESG)-д нийцсэн олон улсын магадлан итгэмжлэлийн шалгуурын дагуу хэрэгжүүлсэн бөгөөд энэ нь Монгол Улсын мэргэжлийн болон техникийн боловсрол, сургалтын байгууллага олон улсын түвшинд чанараа үнэлүүлсэн чухал үйл явдал боллоо.

📌 Үнэлгээний үр дүнд ATHEA-ийн Магадлан итгэмжлэлийн комисс байгууллагын магадлан итгэмжлэл олгох шийдвэр гаргасан бөгөөд энэхүү магадлан итгэмжлэл нь Монгол Улсын Мэргэшлийн үндэсний шаталсан бүтцийн 5, 6 дугаар түвшинд хамаарч байна. Магадлан итгэмжлэлийн шийдвэр нь 2026 оны 8 дугаар сарын 1-ний өдрөөс эхлэн 5 жилийн хугацаанд хүчин төгөлдөр үйлчилнэ.

📌 Энэхүү олон улсын магадлан итгэмжлэл нь сургалтын чанарыг тасралтгүй сайжруулах, олон улсын сайн туршлагыг нэвтрүүлэх, чанарын баталгаажуулалтын тогтолцоог бэхжүүлэх, төгсөгчдийн мэргэшил, ур чадварыг олон улсад хүлээн зөвшөөрүүлэх боломжийг нэмэгдүүлэхэд чухал ач холбогдолтой юм.

👏 Олон улсын магадлан итгэмжлэлд амжилттай хамрагдсан нийт хамт олондоо халуун баяр хүргэж, цаашдын үйл ажиллагаанд нь өндөр амжилт хүсье!