Азийн сангаас санаачлан хэрэгжүүлж буй “Хүрээлэн байгаа орчны эсрэг гэмт хэрэгтэй тэмцэх чадавхыг бэхжүүлэх нь” төслийн хүрээнд тус байгууллагын Хүрээлэн буй орчны шинжилгээ, үнэлгээ хариуцсан шинжээч, мэргэжилтнүүд болон Экологийн цагдаагийн албаны мөрдөгчдийг чадавхжуулах сургалт 3 өдрийн турш амжилттай зохион байгуулагдаж өндөрлөлөө.

Сургалтаар шинжээчид нотлох баримтыг хадгалж, хамгаалах, хиймэл дагуулын мэдээ ашиглах, агаарын чанарын шүүх шинжилгээний арга, газрын доорх ус, хөрсний бохирдол, харь ургамлын зүйлийг тодорхойлох, үнэлэх, генетикийн аргаар зүйл тодорхойлох зэрэг шүүх шинжилгээнд хэрэглэгдэж байгаа олон улсын туршлагыг судалж, мэдлэгээ дээшлүүллээ.

Сургалтын хаалтын арга хэмжээнд Шүүх шинжилгээний ерөнхий газрын Дэд дарга, цагдаагийн хурандаа Э.Халиунбаяр оролцож, сургалтад хамрагдсан шинжээч нарт гэрчилгээ гардуулан цаашдын ажилд нь амжилт хүслээ.